பயணம்

அமைதியான நீரோடை
அங்கே ஓர் இசையாய் கொட்டும் அருவி
வழி காட்டி பறந்து செல்லும் ஜோடிப் பறவைகள்
சுற்றிலும் பச்சை பசேலென இயற்கை வளம்
சில்லென்று காற்று என்னோடு காதல் மொழி பேச
என்னை வரவேற்க ஒரு வானவில் காத்திருக்க
இப்படி இனிதாய் நான் ஓடத்தில் தினமும் பயணம் செய்ய
சீக்கிரம் எழுந்திருடி 8:30 மணி பஸ் போயிடும்
என் கனவுப் பயணத்தை கலைத்த அம்மா
தயாரானேன் நான் நிதர்சனமான நெருக்கடி பேருந்து பயணத்துக்கு