பாதை

என் கண் முன்
காண்பிக்கப்பட்டது இரு பாதைகள்
இரண்டிலும் காலடி சுவடுகள்

எந்த பாதை தேர்வு செய்ய
மனம் அறிவைக் கேக்க
இரண்டிலும் பயணித்த அனுபவம் எனக்கில்லை
என அறிவு மெளனம் சாதிக்க

ஆலோசனை கேக்க தந்தையை நாடினால்
தான் பயணித்த பாதை
நானும் தேர்வு செய்ய அவர் கூற

அதை கேட்ட என் தாய்
அவர் பயணித்த பாதையின் பலனை எனக்கு கூற
மூண்டது அவர்களிடையே சண்டை

செல்ல வேண்டிய இடம் தெரிந்தால்
பாதை தேர்வு செய்வதா கடினம்
மூலையில் முடங்கிய தாத்தா குழப்பம் தீர்த்தார் நொடியில்

இரண்டு பாதையும் விட்டு விட்டு
தேர்வு செய்தேன் மூன்றாவதை
இன்று ஆசிரியைஎன்ற முத்திரையில் நான்
சற்றே வருத்தத்துடன் ஒரு டாக்டரும் இஞ்சினியரும்
அதாவது என் பெற்றோர்கள்