தேடல்

எந்த ஓரத்தில் இருந்தாலும்
யார் கண்ணிலெ பட மறுத்தாலும்
என் கைகளுக்கு மட்டுமே கிடைக்கும்
தொலைந்து போன திருகாணி
கீழே விழுந்த சட்டை பொத்தான்
ஊர்ந்து செல்லும் சிட்டெறும்பு
அப்பா தவற விட்ட பத்து பைசா
இப்படி ஏதேதோ என் கைகளில் கிடைக்க
நான் தேடும் மிட்டாய் மட்டும் கிடைக்கவில்லை
விடுவதாய் இல்லை இன்று
எப்படியும் கண்டுபிடித்தே தீருவேன்
இதோ என் தேடல் ஆரம்பம்